巴西體育圈傳出個罕見意外。曾兩度奪得巴西全國健力冠軍嘅女選手雷娜塔（Renata Christina Touma），上個月喺聖保羅硬舉公開賽（Copa SP de Levantamento Terra）報名參加女子組69公斤級別，挑戰192.5公斤嘅槓鈴硬舉。

資料顯示，佢將槓鈴舉到膝蓋高度嘅瞬間，動作開始走樣，雙腳乃至全身開始顫抖；因腹內壓力驟增，雷娜塔引發應力性尿失禁，尿液直接滴落比賽地面，最終未能完成整個動作。

大庭廣眾下「失守」，多數人第一反應係尷尬。但雷娜塔唔係，佢喺社交媒體分享多條影片，大方回應外界討論，記錄今次受挫經過，配文寫：「你掌控著自己嘅歷史，除此之外，別無他人。」

佢又補充：「力量唔止體現在你舉起嘅重量上，更體現在你所做嘅選擇、你所建立嘅自律，同你應對挑戰嘅方式：你無法掌控所發生的一切，但你可以決定如何應對自己力所能及之事。」

雷娜塔除咗運動員身份，仲係營養師同私人教練。佢表示192.5公斤已經係佢第三次嘗試呢個重量，並承諾：「我保證喺下一次比賽中，嗰個數字會提升嘅，我一定能完成。」

醫學分析指出，舉重時血壓會突然飆升，常令運動員出現口鼻出血甚至昏厥；部分人喺展現極致力量時，會因無法控制而出現尿失禁。換言之呢次意外唔係「失態」，而係身體嘅真實物理反應，只係佢嘅回應方式特別有EQ。

硬蕉抽兩句：多數政客搞砸嘅第一反應係刪片、換人、改詞；呢位巴西女士嘅第一反應係自己出鏡、自己講、自己預告下回再戰。力大漏尿可以諗，大氣同真誠呢樣嘢唔係每個人都揸到。

硬蕉哥整合｜頂硬上