一直被人話同2019年港姐亞軍兼最上鏡小姐王菲如「餅印」一樣嘅應屆港姐冠軍袁絲珩（Bernice），日前同佢同場碰面，上演罕見「世紀同框」。
王菲如喺 IG 限時動態曬出兩人頭貼頭合照，相中二人齊齊笑，面型輪廓同笑容都確有相似之處，佢仲開腔問：「係咪真係有大家講到咁似先？」袁絲珩就即轉發，留言「由二輪面試已經俾人話似，見到真人好似見網友咁啊」，對「撞樣」一事似完全認同。
合照一出即引網民熱議，有人笑指加埋朱晨麗可以演三姊妹，甚至新版「三代同堂」；不過亦有網民直言王菲如比袁絲珩好看。王菲如其後將帖文刪走，外界唔知佢係咪顧及後輩感受。
黃姣姐整合｜頂硬上
