Halo 喺瀏覽器、薩爾達《風之律動》喺 iPhone、Smash Bros 喺混合現實——過去一個月，呢啲「唔應該存在」嘅 port 喺社交平台湧現。
呢單嘢核心叫 decomp 同 recomp，即係逆向工程：將遊戲拆到骨，再重組，俾佢跑喺原本唔為之設計嘅硬體上。過去呢個係慢工出細貨嘅嘢。例如有一班人花咗幾年先完成 GameCube 初代《動物森蘆》嘅 decomp。
AI 一入局，時間表即刻被壓縮。AI 顧問 Chris Sotraidis 今夏見到一個 iPhone/iPad 版嘅《命令與征服：將軍零時》——EA 去年將呢個 game 開源——佢指呢個 port 嘅「技術挑戰」令佢動起手嚟，包括用現有社群 decomp 做咗《薩爾達傳説：時之笛》嘅手機版。佢話只係數星期，自己手上已經有12 個 project 同時跑。
「如果我有充足時間，小部分 port 即使只用最少 AI 協助都可能做到，」Sotraidis 講，「但老實講，呢個速度同數量，冇 AI 我係絕對做唔到嘅。對比起嚟，原本會慢極慢。工具令你可以行得快好多，前提係你知自己要乜。」
呢種速度吸引咗大量人入場試水温，Reddit、X、GitHub 上新 project 湧現。但保育派就唔太開心：decomp 存在嘅原因之一，係讓人可以拆開遊戲、明白佢點運作；AI 代做之後，呢份理解消失，日後忠實還原能力受影響。就似你可以把蜘蛛人放進蝙蝠俠 game，但你大概唔會明白到某些程式設計決定當初點產生。
上週，一個追蹤 decomp 項目、提供相關資源嘅社群網站突然關站，原因就係 AI 嘅衝擊。站主（筆名 Encounter）喺關站公告中承認：「喺適當引導、人工介入同 code review 之下，AI 可以大幅加速 decompilation，呢點已無可否論；但同樣清楚嘅係，decompilation 嘅社群面已經被打破。我哋嘅 project 一直開源以鼓勵參與——」
姣姐講多句：就好似以前有啲人話「改圖唔係做假嘢」，AI port 亦有人話「唔係偷，係重建」。但問題唔係佢做冇做到，係佢做咗之後，嗰班逐字逐行研究咗幾年先明白成個遊戲點運作嘅人，佢哋嘅理解仲喺唔喺度。速度嘅問題從來唔係技術嘅錯，係我哋有冇準備好承接呢個速度嘅後果。
黃姣姐整合｜頂硬上
