人氣女團 aespa 嘅 Karina（劉知珉）6日下午現身首爾龍山區漢南洞一帶，出席一場 MLB 活動，吸引大批民眾圍觀，現場熱鬧非常。
成個人着淺藍色羽絨外套，襯白色上衣同寬褲，清新藍白配色好有冬日感。頭頂一頂毛茸茸貓耳帽成為全場最吸睛嘅亮點，配白色球鞋，俏皮又少女。
K-pop 藝人同 MLB 聯手搞活動，近年已經好常見，「跨界」玩法愈嚟愈多。
另外，aespa 完成10月美洲巡演後，預計2027年1月展開歐洲場。為紀念出道6週年，佢哋亦會喺11月28、29日喺首爾高麗大學華汀體育館辦粉絲見面會，睽違約3年再次喺韓國同 MY 哋見面。
姣姐講多句：女團唱完歌去幫 MLB 拉人氣，貓耳帽一戴，運動場都變應援會。
黃姣姐整合｜頂硬上
