194歲、體長110cm、零癌紀錄——呢個唔係乜仙丹廣告，而係生活喺南大西洋英屬聖赫勒拿島嘅一隻亞達伯拉象龜。佢叫「莊拿芬」（Jonathan），推估於1832年出生，即日本江户時代尾聲。日前，一個歐美跨國研究團隊喺美國科學期刊《科學進展》（Science Advances）發表最新成果，成功解開呢個跨越近兩世紀嘅基因奧秘。
研究團隊喺唔影響莊拿芬健康嘅原則下，採集其口腔黏膜與唾液進行全基因組測序，並與另外4隻同類個體詳細比對。分析顯示，莊拿芬喺修復受損DNA、維持染色體「端粒」、清除異常蛋白質，以及高齡癌症抑制等基因上，都有明確嘅特殊性——連主導基因表現嘅「甲基化」化學變化都同其他個體唔同。研究團隊指出，未來若結合弓頭鯨等其他長壽物種嘅基因數據庫，將有助於人類理解老化機制同癌症成因。
呢項研究喺日本社群引發熱烈討論。有生物背景嘅網友把佢稱為大自然嘅「良性Bug」。多數網友則認為長壽研究嘅真正價值唔係追求「長生不死」，而係將DNA修復機制轉化為預防癌症、失智症及減輕長照負擔嘅「健康老化」方案，同時呼籲各界喺唔打擾莊拿芬晚年生活嘅前提下，温和進行科研。
硬蕉抽兩句：一個194歲、冇患過癌嘅生物，被科學家開刀解碼，結果發現佢比人類「進化」咗。我哋人類花兩百年揾唔到嘅長壽密碼，一隻龜用慢慢瞓就解決晒。希望佢繼續瞓，我哋負責研究。
硬蕉哥整合｜頂硬上
