王祖藍同李亞男（Leanne）2015年結婚，現年分別46歲同41歲，婚後育有大女王天韻（Gabby）同細女王海靜（Hayley），一家四口。近日兩人口TVB節目《藍朋友·旅朋友》重遊李亞男成長地，王祖藍重提當年「過五關斬六將」嘅底藴，原來呢段婚姻真係得來不易。
李亞男出生上海，小時候隨父母移民加拿大，2004年攬温哥華華裔小姐、2005年攬國際華裔小姐冠軍後簽約TVB，父母擔心佢人生路不熟，託付韓馬利照顧並加入「藝人之家」。二人相處一年漸生情愫，但李亞男顧忌身高差，又擔心自己對王祖藍並非真心鍾意，諮詢牧師後決定開展40日冷靜期，再打電話同王祖藍分手。兩人拍拖後曾為事業分開三年，期間各自可尋找另一半。2009年王祖藍再次追求，不眠不休寫情信加情歌《跌落凡間的天使》，終打動芳心。
但見家長一關仍係大難。王祖藍當時憑《福祿壽》「扮女人」爆紅，李爸爸對呢件事相當不滿，一度驚動李媽媽找來好友Pond幫忙調解。Pond介入同李爸爸嘅首次碰面，形容李爸爸當時完全冇笑容，見到王祖藍就問：「你要娶我個女呀？」Pond又指王祖藍每當緊張就露出「招牌假笑」，更令約見氣氛「雪上加霜」。
不過愛女心切，李爸爸最終決定放下成見，與王祖藍約法三章，定立「三年之約」：三年之內唔可以變壞、唔可以有壞消息壞新聞、亦唔可以同女兒結婚，過關先至有得娶。呢段內容係王祖藍自己憶述。
成功過關後，王祖藍應承大搞香港、上海、加拿大三地婚禮，喺迪士尼豪擺60幾圍酒席，每圍接近2萬，打造童話式婚禮。佢仲豪擲1400萬買獨立屋，加裝修1000萬左右做婚後愛巢；婚後再買1億1千多萬元大屋，業權全歸老婆名下。
姣姐講多句：一個靠「扮女人」爆紅嘅男人，要同外父自證「三年冇壞」先至娶得到老婆，呢個反差真係夠搞笑。但細心諗，「扮女人」嘅本事同「討老婆」嘅誠意，喺港男世界本來就係兩樣嘢。
黃姣姐整合｜頂硬上
