10月1日晚，《藍朋友·旅朋友》一集喺翡翠台播出，王祖藍同太太李亞男重遊温哥華，公開重提當年「過五關斬六將」迎娶李亞男的經歷。王祖藍現年46歲，李亞男41歲，二人結婚超過11年，育有兩女。原來最難過的一關，係外父。
事情起點係王祖藍當年憑《荃加福祿壽》、《福祿壽》「扮女人」演「Handelababy」爆紅，呢個形象令李亞男的爸爸相當反感。李媽媽眼見老公無法接受，向二人好友Pond「求救」：「搞唔掂啊，你真係要同我老公傾嚇。如果唔係，真係會有事發生。」
Pond介入，仲到場王祖藍與李爸爸的首次碰面。據Pond回憶，李爸爸劈頭就問：「你要娶我個女呀？」全程黑麪；加上王祖藍緊張時露出的「招牌假笑」，氣氛雪上加霜。
不過愛女心切的李爸爸最終決定放下成見，與王祖藍定下「三年之約」：三年內不可以變壞、不可以有壞消息或壞新聞，亦絕對不可以結婚，完全通過考驗先可以迎娶李亞男。
王祖藍通過考驗後，傳出佢以高達500萬港元作禮金，並喺香港、上海、加拿大三地大擺婚宴，單是香港迪士尼的婚禮已耗資約200萬港元。婚後早年更傳出豪擲千萬裝修愛巢，後來斥資逾1.1億港元購入大宅，並將業權全數歸於李亞男名下。
節目中王祖藍講到婚姻保鮮，稱一直默默感恩：「永遠返返去（諗）當初係幾咁唔容易先至走得埋一齊，今日有嘅一切都係禮物、係恩典。」《藍朋友·旅朋友温哥華篇》最後一集喺2日晚10時30分翡翠台播出。
姣姐講多句：呢單「三年之約」就係實況版「岳父大人考核」。最搞笑係王祖藍爆紅嘅「扮女人」形象，竟然變成為外父大忌，仲要簽「三年唔變壞」協議先收得個女。傳聞500萬禮金加1.1億豪宅全數落老婆名——通過考驗先係開始，唔係結尾。呢種「愛妻號」操作，寫入教科書都唔過分。
黃姣姐整合｜頂硬上
