2026年10月5日，日本漫畫《吸血十字界》（Vampire X）正式宣佈動畫化，全新視覺圖同PV預告影像隨之公開，改編後嘅作品預計放喺2027年播出。呢部2000年代嘅經典，由2003年開刊到今日，足足等咗23年先等到動畫化，真係應咗吸血鬼「壽命長」呢個設定。

《吸血十字界》由城平京創作、木村有里繪製，自2003年起喺《月刊少年GANGAN》連載，全套漫畫九冊已出完。故事以吸血鬼王國「夜之國」為舞台，講述背負一族宿命嘅國王羅斯雷特，以及佢身邊人事物嘅經歷。原作靠精彩劇情同反轉吸引了一大批死忠粉絲，但人氣再高都多年得不到動畫化機會，係貨真價實嘅「有生之年」候選。

故事入面，「夜之國」嘅末代君王羅斯雷特實力強大可怕，令當時人類感到恐懼。人類為削弱佢嘅力量，以女王安迪爾海特作人質；女王怕另一伴遭殺害而釋放魔力並失控，力量大到差點毀滅世界，最終遭人類捕獲並封印。羅斯雷特其後花咗上千年時間揾尋封印，同時對抗欲除佢於無形嘅人類同吸血鬼獵人。

隨住PV同視覺圖公開，雙主演聲優亦已揭曉，分別係內田雄馬同島田愛野。對由2003年等至今嘅老粉而言，呢個遲到嘅「開畫」消息，堪稱一件大事。

姣姐講多句：有人等動畫等成「有生之年」，有人等動畫等咗二十幾年先見著天光。《吸血十字界》呢一等等，真係比吸血鬼仲長命。到時2027年開畫，老粉新粉齊齊睇，先算對得住呢廿三年。

黃姣姐整合｜頂硬上