美國加州大學洛杉磯分校（UCLA）行為決策學教授凱西·霍姆斯（Cassie Holmes）做咗一項研究，探討每日可自主運用嘅時間，同個人幸福感之間嘅關係。結果唔似想像咁簡單：每日自主時間少於2小時嘅人，幸福感較低；但每日自主時間多過5小時，同樣會令人唔快樂。原來「自由時間」並非愈多愈好，而係有個黃金區間。

時間壓力會令生活限縮，呢點喺1970年代普林斯頓大學一項針對神學院學生嘅實驗已經見証：當遇到需要幫助嘅人，被告知即將遲到嘅學生，較少肯停下幫忙。霍姆斯將「自覺時間太少、做唔到想做的事」呢種狀態稱為「時間匱乏」，並就此寫成新書《更快樂的1小時》。

想對生活更滿意，問題不在於擁有更多時間，而是如何分配已支出的時間。

佢建議用1至2星期，追蹤記錄自己點樣度過一日同當時嘅感受，並將「工作」呢種籠統分類拆成研究、教學、行政等子類，清楚知道邊樣事令自己快樂、邊樣事最討厭，再決定邊類活動該分配多啲定少啲時間。

對住必須做但討厭嘅事，她提供三個方法：一是「雜事外判」，將打掃、採買、接送等外判出去，騰出時間做有意義嘅事；二是「綑綁樂趣」，即 temptation bundling，將討厭嘅事同鍾意嘅事一齊做，例如通勤時睇小説；三是「形塑工作」，即 job crafting，反覆問自己「點解呢件事對我重要」，揾到屬於自己嘅工作目的。

她再用「罐子」做比喻：人生有一個罐子，要用高爾夫球、小石頭同沙填滿，高爾夫球代表最重要嘅事（家人、朋友、健康、熱情所在），小石頭係其他重要事項，沙仔係瑣碎事物。如果先灌沙，就冇位放石頭同高爾夫球；反之先放高爾夫球，罐子就仲有空間放多啲嘢。

姣姐講多句：研究話太閒都唔開心，其實唔算太意外——閒到冇事做嘅人，幸福感真係未必高。關鍵唔係揾多幾多時間，而係點樣將呢啲時間放喺啱嘅位置。🍃

黃姣姐整合｜頂硬上