問各位留長髮嘅女仔：你落浴缸嗰陣，會唔會把頭髮束返，唔畀佢浸落水？日本女性漫畫家「柚木ガО」近日喺 X 上就呢個議題發了文，一講就將自己底牌賣晒。
佢話自己係完全唔會把頭髮束起，而係直接讓長髮浸喺浴缸入面嗰種女人。但搞笑就搞笑喺，佢畫女性角色入浴嘅時候，卻會將角色嘅長髮畫得紮紮實實綁起，避免沾到水，甚至仲因此收到讀者讚：「老師真內行啊！」佢好無奈話：「你根本就不懂啊，最好小心點。」
之後佢更自曝，當初畫綁髮純粹係因為「大家都是這麼畫的嘛……」，係跟從慣例；佢話如果角色性格唔同，佢「應該也會畫出『沒綁頭髮直接泡澡』的場景」，只係碰巧未畫過嗰種性格嘅角色。
呢帖一出，日本網友就「究竟邊樣先係主流」展開激辯。有網民話「公共浴場會綁，但在家中反而會先在浴缸粗略洗一次」；有人話「我是屬於會綁頭髮的人，每次看到沒綁的人，我都很好奇她們怎麼洗脖子和肩膀的」；又有網民震驚喊冤：「我這輩子有九成時間都是留長髮，但從來沒有不綁的耶！！難道只是泡澡時才不綁頭髮嗎！？真是太令人震驚了」。
亦有網民總結：「因為頭髮很髒，泡在水裡會給別人添麻煩。如果是獨居，或只有自己會泡澡的話，那就應該沒什麼關係。」而佢亦補充，在創作洗澡場景時會「不自覺地留意長髮角色是否有把頭髮綁起來」。
姣姐講多句：呢個事件嘅笑點唔係「長髮女生應唔應該綁」，而係「自己嘅做法自己清楚，畫落去就係跟慣例」嘅反差。喺動漫圈入面，入浴場面向來係極常見元素，女創作者對自己角色落水之後有冇整理好，其實都係一種「職業本能」，同你本人生活習慣完全冇關係。佢嘅「唔瞭解」就係咁被自己一句口風直接賣晒。
黃姣姐整合｜頂硬上
