國際培幼會（香港）今日（10月3日）舉行「守護兒童學校」支援及嘉許計劃展覽，義務活動大使湯怡、孫慧雪同「超級奶爸」何基佑以星級父母身分現身，三人結合自身育兒經驗，呼籲家長與學校為下一代建立緊密嘅防護網。
講到揀學校，湯怡話除咗觀察師資同硬件，佢最重視嘅係校園嘅「隱藏細節」——「我現在更看重學校有沒有一套清晰的《守護兒童政策》」，包括活動風險評估、突發情況處理機制，甚至外來訪客嘅登記規矩。佢話一間將保護兒童放在首位嘅幼稚園，先至令家長真正放心。
但返到屋企，台上正經嘅星級父母，原來都係普通老母老豆。湯怡自爆囡囡而家讀K3，偶然教功課教到忍不住發脾氣罵女兒，甚至激到對方哭，佢話冷靜下來會自我反省、向女兒道歉。
最爆笑嘅係被囡囡「催生B」——囡囡問佢幾時有BB，湯怡就話自己一個人瞓便會有，未料囡囡獨自瞓咗一晚之後，起身問「點解媽咪仍未有BB」，佢話聽完哭笑不得。
佢本月17日生日，話打算平淡過，老公著重儀式感會炮製驚喜、原本打算帶佢去旅行，但因為要準備囡囡小學面試，最後決定留港。
姣姐講多句：做公益大使喺台上正經講兒童保護，返屋企就教功課教到頭大、被囡囡催生B，呢個反差先至係最真實嘅星級父母。
黃姣姐整合｜頂硬上
