成人題材｜18+
內地女星田曦薇日前喺上海真如環宇城MAX商場出席極狐汽車阿爾法T7站台宣傳活動，身穿白色連身禮服。佢向樓上粉絲揮手致意時，胸口衣料疑似鬆動，一段17秒由粉絲向下拍攝嘅片段，隨即喺社群平台 X 瘋傳，累積瀏覽量突破百萬，引發「走光」疑雲。
影片喺網上一度出現兩派討論：部分網民認為胸口被拍到「一點突起」，明顯係走光；但更多人持不同看法，認為可能只係衣料皺摺產生嘅陰影。
緩頰聲音唔少，部分網民替田曦薇打圓場：
「他們穿這種衣服都會貼胸貼的，你是看不到點點的」 「明星的安全意識肯定還是到位的」 「團隊和她自己都不至於犯這種低級錯誤」 「沒走光啦，那是內襯蓋著胸部」
圖片：iQIYI Indonesia／CC BY 3.0／Wikimedia Commons
田曦薇今年演藝事業大爆發：上半年靠《逐玉》同《低智商犯罪》兩部劇瘋狂漲粉，下半年又有《天才女友》同《嫁金釵》維持熱度，微博粉絲突破1400萬。活動現場湧入大批粉絲包圍，商場樓上都有人圍觀拍攝。
姣姐講多句：
呢種「圍觀拍攝」嘅文化，本身先係問題。女星出席公開活動，做足服裝防護係業界基本常識，網民所講「貼胸貼」、「內襯」都係實話。真正值得問嘅，唔係「佢有冇走光」，而係「點解一百多萬人嘅注意力，最後集中喺一個女演員胸口嘅一處陰影」。
將女演員嘅衣著同身體，當成可以被放大、驗證嘅物件，呢種物化傳播本身就係問題核心。田曦薇係一個演員，《逐玉》、《嫁金釵》先係佢專業嘅體現，唔應該被一段有冇走光都講唔清嘅17秒片段，覆蓋成佢嘅全部標籤。
