田蕊妮（阿田）2024年確診肺腺癌，經手術後康復。惟今年4月證實癌症復發並轉移至淋巴，佢隨即全面停工，專心接受標靶治療，跟隨丈夫杜汶澤喺台灣生活養病。
正積極抗癌嘅阿田，前日（9月28日）迎嚟49歲生日。細心嘅杜汶澤早幾個月已靜靜籌備，提議帶她飛東京食生日飯。阿田最初猶豫，心想「會不會太誇張」，後來再想，呢個提議「也許是很好的，給我一個目標去努力」，幸好最後順利出發。
杜汶澤喺社交網上載兩人在東京餐廳撐枱腳嘅合照，寫道「照相機故障，唯有用手機拍照」。相中阿田穿深色上衣，單手托住下巴，化淡妝，面色紅潤，精神狀態相當不錯。
田蕊妮亦喺社交平台貼出合照，感性發文讚老公係「the best husband in the world」。佢寫道：「他早幾個月前提議帶我去東京食生日飯，當時我沒有即時回應，還心想這會不會太誇張，後來再想這提議也許是很好的，給我一個目標去努力，幸好最後能順利出發。」
最暖心嘅係佢對杜汶澤嘅感謝。阿田直言老公喺病中一人分飾多角：「他不只是我的老公，還是我的司機、廚師、看護，永遠都把我放在第一位，讓我每天都感到幸福。」佢亦強調自己並非外界所想般勇敢，真正堅強嘅係身邊嘅照顧者：「除了要照顧我之外，還要面對和解決他的人生難題，他真的是照顧者的典範。」
阿田早前曾坦言，雖然療程唔輕鬆，但心境「真的從未如此放鬆過」。網民見到東京近照，紛紛留言送上正能量，盼，紛紛留言送上正能量，盼佢早日康復。
姣姐講多句：呢單新聞讀到真係有幾感動。杜汶澤做老公、做司機、做廚師、做看護，一個人頂住，仲要自己面對人生難題。阿田話真正堅強嘅係照顧者，呢句講得好。抗癌路漫長，有咁貼心嘅陪伴，精神好重要。祝阿田康復順利。
黃姣姐整合｜頂硬上
