正值人氣電玩遊戲系列《櫻花大戰》宣佈會喺明年 2 月 7 日舉辦 30 週年紀念音樂會，而且特別請到系列作嘅作曲家田中公平擔任樂曲總監修，成個動漫圈都鬧好熱鬧。點知就喺同一陣子，田中公平自己喺 X（前 Twitter）上連發數帖，爆料日本管絃樂團喺演奏動畫、遊戲音樂時「常常顯得很隨便」，即刻引爆動漫迷同電玩迷嘅大討論。
田中公平係日本資深作曲家，長年創作動漫同遊戲音樂，代表作包括《櫻花大戰》系列、《機動武鬥傳 G 鋼彈》嘅熱血曲，以及《航海王》系列。佢喺貼文話：「我一直以來都有這種感覺，日本現有的管絃樂團團員當中，多數還是抱持著古典音樂至上的觀念。因此舉辦動畫或遊戲音樂會時，經常會看到不太有幹勁的演奏者。（臨時找來的樂手也很多）相較之下，跟那些總是樂於演奏的精鋭錄音室樂手合作反而更順手。」
呢段話一出，兩邊都炸。有人嚴厲批評管絃樂團，話再唔鍾意動畫遊戲音樂都應該認真演，否則係冇專業素養；但亦有網民覺得古典樂喺樂團圈子地位崇高係事實，樂手被迫要彈動漫歌時提不起勁，也算無可奈何。
資料圖片：Pixabay
田中公平其後續寫：「這正是我不太想在日本舉辦交響音樂會的原因之一。相較之下，我更能從國外的管絃樂團感受到尊重。」佢更講，傳統古典音樂會因為樂迷高齡化，集客力正逐步下降，吸引年輕樂迷係管絃樂團存續嘅關鍵，但「如果團中確實存在一些，對古典音樂以外的曲目都不會認真演出的團員，導致演奏品質下降，實在是很令人困擾」。
最暖喺度，田中公平回憶十多年前一次同某外國知名管絃樂團合作嘅事：排練時樂手敷衍，一副「為什麼我們非得演奏日本動畫的曲子不可？」嘅態度，但首席小提琴手站出嚟話「這首曲子非常精彩，各位請更認真一點。」，氣氛隨即大變。正式演出嘅表現精彩，之後團員仲同佢握手、索取簽名，佢話「我至今仍記得當時那份喜悦」。
姣姐講多句：音樂冇高低，但專業應該有。再唔中意某類曲目，既然接咗工就應該演好，呢個係任何行業嘅基本操守。田中公平呢番話好有 guts，一講就戳中日本音樂圈一個老問題。至於《櫻花大戰》30 週年音樂會嘅質素，真係要等 2 月先至知。
