小倬一開口就係投訴：「我啱啱喺樓下嗰陣，我哋支持佢啦，佢行出嚟嗰陣，我哋就喊黃星綽咁樣啦，佢完全唔理我囉。」細hugo 聽完就扮傻：「我唔知係嗌緊黃星綽定黃小倬啊，太似啦！啱啱我一直都聽唔到，究竟係黃小倬定黃星綽。」聽完你會唔會同我一樣，覺得呢對姐弟係最似嘅陌生人。
問到關係，細hugo 好神秘話自己「一出世就認識佢」，好「特別」；小倬忍唔住補刀：「咁其實我就係佢家姐。」但一問到工作就十足知姐知弟：二人分屬 Surfine 同 IdG 呢兩個「敵人」團體，喺屋企「都幾 open」，表演、唱歌、音樂嘢都成日溝通同問對方意見；細hugo 自己新歌出之前，「家姐都會聽一次」。同門對立、家中交流，港星家庭最標準嘅操作。
小倬對細hugo「有讚冇彈」，話佢「有好多舞台經驗，又有拍戲」，「自己搞得掂」，「我覺得佢今年其實係好努力」，希望佢「下年都繼續維持呢個熱誠，繼續行落去」。二人更預告未來「會有更多唔同嘅合作計劃」，讓大家拭目以待。
最搞笑係作息時間：細hugo 話自己一早 6 點半起身做運動、返屋化妝先出頭，小倬露出一臉驚訝：「咩話？6點半！可能我 6 點半先瞓。」同一屋簷下，日夜兩班，連喊名都喊唔醒。
姣姐講多句：細hugo 話「聽唔到」，但「我啲歌喺出之前家姐都會聽一次」呢句，分明一早就聽得清楚，佢只係對「透明」兩個字有自己嘅理解。
黃姣姐整合｜頂硬上
