1990年亞姐冠軍吳綺莉，可能仲記唔記得自己同屆嗰個第五名——「天才小姐」孫名翠。而佢，就係嗰位轉用孫譽文、淡出娛樂圈逾30年之後，默默做到「珠寶女王」嘅女強人。
孫名翠（Karen）現年59歲，1990年亞姐敗喺冠軍吳綺莉、亞軍施綺蓮、季軍楊玉梅手下，只獲「天才小姐」緻項。落選後佢一度簽約亞洲電視兩年，但未有任何代表作，便離開娛樂圈。
之後佢轉用「孫譽文」做事業，修讀珠寶鑑證、持有GIA文憑，創立自家高級珠寶品牌。依家佢嘅珠寶帝國遍及全球，客戸涵蓋香港名媛圈，連中東皇室成員都有配戴佢設計嘅飾物。
佢早年1988年畢業於香港演藝學院舞蹈學院，與黃秋生、張達明同期，曾加入城市當代舞蹈團。離巢亞視後重返演藝學院進修，成為該校第一批學士學位畢業生，並開辦過舞蹈學校，直到2003年沙士而結業。
佢多次因與圈中人聚會而曝光近況。早前更新社交平台，展示價值不菲嘅翡翠玉石首飾，近照見佢保養得宜，一頭烏黑長髮，未見中年發福，外表相當年輕。
