由張家輝、蒙嘉慧、鍾雪瑩、邱士縉、楊雅文同姜皓文合演嘅《我阿爹想旅行》，票房已經衝破1000萬，可喜可賀。
不過有份演出嘅邱士縉（Stanley），人哋而家係身處峇里忙緊準備婚禮，都未有一分鐘得閒。就係咁，佢10月25日都照樣喺 Instagram 限時動態轉發咗呢個喜訊，公事不忘關心自己參與嘅電影票房，公而忘私。
同時Stanley同宋芸樺合演嘅《告別的年代》，喺金馬影展嘅場次已經全數售完。Stanley都喺社交平台轉發咗呢個消息，並留言「謝謝」。
一句講晒，人喺峇里、心喺影壇，婚亦備、戲亦搞，公私兼顧。
--
黃姣姐整合｜頂硬上
