無綫處境劇《愛‧回家之三代同糖》今晚（20日）播出一集，將「郭總2.0」安德尊上陣，爆笑還原《東張西望》8月下旬報道嘅「霸道總管戀上保安阿姨」老千騙案。
呢單8月嘅熱話點解會爆？除咗真實情節本身就比劇本更荒謬，最大火藥筒係《東張西望》「東張女神」梁敏巧形容當事人郭總嘅「鮮艷打扮」，話佢似足安德尊，一句話即刻引爆熱話。
無綫今次就順住呢個梗，派安德尊本人還原「郭總」，將佢「霸道」又「鮮艷」嘅騙局一步步演返畀觀眾睇。
姣姐講多句：真人真事最難寫，因為現實根本比劇本敢寫；一齣劇不過係把城中笑話搬上小屏，但呢次係事實自己走埋入劇本，觀眾仲有乜理由唔捧場？
黃姣姐整合｜頂硬上
