JYP 相識 13 年嘅 TWICE Sana 同 2PM Jun昊，近期喺 YouTube 節目《Sana 的冰箱訪問》合體，一開場就聊到「下世嘅願望」，即場互換性別身分，仲爆出成堆「因太帥而爆紅嘅髮型師」式毒舌。
Sana 率直話下世想當「男偶像」，理由係想親身體驗被廣大女粉絲熱烈尖叫嘅感覺。Jun昊聽完反口笑話自己下世要做「女偶像」，兩人剛好對調：Sana 入 2PM，Jun昊入 TWICE。Jun昊仲話自己受過邀到 TWICE 演唱會做嘉賓，周身都被男粉絲嘅吶喊聲圍住，「同男偶像被女粉絲尖叫其實係一樣嘅，只係聲音唔同」。
Sana 接住話 Jun昊嘅形象好似「因為太帥而爆紅嘅髮型設計師」，仲預言佢開個店「顧客絕對會爆滿」：「洗頭時如果靠太近，顧客們的心臟應該都會怦怦狂跳吧！」節目組仲喺字幕補刀：「顧客回訪率最高、業績第一名嘅髮型設計師 Jun昊」。
*姣姐講多句：*將男偶像直接歸類為「髮型設計師」，仲要強調係「因太帥而爆紅」，等如話「你嘅職業唔係偶像，係剪髮，但你太帥咗所以連剪髮都剪出名氣」——呢種毒舌式恭維，比一百句「你好靚仔」都攻。Jun昊自己都接住笑，仲自帶自黑，呢種配合度真係同門師兄妹先有。
Sana 仲揭密自己入 JYP 嘅契機，原來正正係睇咗 2PM 嘅演唱會，佢哋喺台上嘅「野獸偶像」演出令佢大受震撼，於是下定決心去韓國發展。兩人仲一齊回顧 8 年前 Sana 擔起 Jun昊 solo 單曲《Instant Love》MV 女主角嘅青澀時光，Sana 笑稱當時宿舍堆滿上千張待簽名專輯，「宛如 CD 專輯工廠」；Jun昊亦曾連續 12 日無返床上瞓，接連趕年尾行程。
13 年師兄妹喺鏡頭前面呢種互損，真係比正式對答如流嘅宣傳訪問有得睇得多。
黃姣姐整合｜頂硬上
