前「香港先生」鄭健樂（Rocky）現年58歲，本業係健身教練。佢近日喺個人社交平台出po，宣佈開辦「女生專屬」一對一私教健身課堂，並歡迎私訊預約上堂。
廣告嘅賣點係「100%獨立場地」、一對一由零開始教，喺私密空間內「單對單貼身指導」。Rocky原話：「好多女仔唔鍾意喺大房俾人望住操，怕尷尬，怕著Leggings唔自在，怕唔識用器械俾人笑。」佢又話「動作錯我即刻幫妳調」，並揚言目標唔係教人變大隻，而係操出平肚、瘦手臂、蜜桃臀、直角肩，幫女學員「著衫好睇，影相自信返晒嚟」。
廣告一出即刻引起網絡熱議，不過網民盯住嘅重點，係嗰張招徠照——指相入面嘅人容貌及狀態極度年輕，同Rocky現年58歲有很大出入，疑係用多年前的舊照做招徠，笑佢「照騙」。
Rocky一向係話題人物：去年底同崔碧珈鬧出感情糾紛，成為坊間焦點，繼兩人「父女戀」羅生門之後，早前又參加TVB真人騷《女神配對計劃2》，化身求愛勇者。
姣姐講多句：首先，私教就係私教，唔好將想像力放錯位，「蜜桃臀」同「直角肩」都係健身界嘅標準口號。真正嘅笑位係相片庫未更新——58歲仲賣年輕嘅相，做嘢係時尚，相片庫要升級。
黃姣姐整合｜頂硬上
