羅家英10月6日出席投資品牌發布會，佢做代言人，順住開口話自己有投資基金、從未損手，話呢方面「叻過」太太汪明荃。但即跟住認咗輸：阿姐志不在賺錢，淨係將儲蓄放銀行定期收息，結果身家仲多過自己。
工作方面佢話稍後會參演多部電影，先同鮑起靜合演一部印度導演嘅新片，仲會挑戰印度舞。佢笑自己鍾意睇印度戲，「睇男主角點搞笑從中學嘢」。
最有趣係佢提到之後仲有兩套戲喺內地開工，居然開始擔心自己會掛住太太：「呢排唔知點解，成日都有啲掛住佢，以前都唔覺，呢排好覺，感情突然間好咗好多。」老夫妻檔講到呢度，都幾肉麻。
—— 黃姣姐整合｜頂硬上
