改編自同名網漫嘅韓劇《再婚皇后》，預計喺11月4日上Disney+，由申敏兒同朱智勛主演。近期兩位喺釜山一齊宣傳，李鐘奭仲喺個人Instagrampo咗同李世榮嘅合照，俊男美女睇到人移唔開眼。

不過知戲情嘅人第一反應就係：「娜菲爾知唔知？」

呢出戲講東大帝國皇后娜菲爾（申敏兒）被皇帝索本修（朱智勛）通知離婚，因為索本修愛上咗逃亡奴隸菈絲塔（李世榮）。娜菲爾接納離婚，但要西王國王子海因里（李鐘奭）向佢求婚。

其實呢位海因里同菈絲塔都唔係第一次拍檔。佢哋12年前已經合作過電影《熱戀年代》，李鐘奭喺入面飾演校草「仲吉」，李世榮則飾由首爾轉學來嘅富家女「素熙」。

嗰陣嘅仲吉素來對感情一往情深，轉學首日已經被素熙迷倒。

姣姐講多句：老戲骨重逢喺韓劇圈係正常操作，仲有另兩位主演朴寶英同金英光，亦都二搭咗電影《婚禮的那一天》。不過呢次「海因里同菈絲塔」嘅合照，仲真係要娜菲爾睇到先至有得講。

黃姣姐整合｜頂硬上