五角大樓 2026 年 10 月 24 日放出一批新解密檔案，揭開 1947 年 Roswell 事件嘅一頁封存咗嘅歷史：一名軍官指當日親身目睹美軍回收咗蛋形金屬飛碟，同埋「兒童尺寸」嘅外星人遺體。
檔案披露，呢位無名證人廣泛被相信係基地公關官員 Walter G. Haut。佢喺 2002 年簽署了一份密封聲明，詳細描述到喺一個重兵把守、代號「Building 84」嘅機庫入面睇到嘅嘢，呢份聲明喺其後隱藏咗數十年。檔案引述佢嘅原話：「我十分肯定，我所親身目睹嘅係某種來自外太空嘅載具同佢嘅機組人員。」
據檔案記載，該載具係蛋形金屬結構，長約 15 呎、闊約 6 呎，冇機翼、冇車窗、冇起落架、冇尾翼，表面係一種「薄如紙卻極度堅韌」嘅未知箔材。Haut 喺聲明中描述：「遠處見到幾具遺體被帆布蓋住，只有頭部露出，唔睇清面部特徵。頭部似乎比正常人大，帆布輪廓約等於十歲兒童嘅大小。」
檔案指，1947 年 7 月 8 日早上 7 時 30 分，高級指揮官召開緊急會議，圍桌傳閲碎片，冇人認得出材料係乜嘢。官員其後安排「欺騙」公眾：民眾視線被引導去 Roswell 西北部農場嘅一堆廢鐵，而蛋形載具同遺體則據報秘密運走，由基地指揮官、上校 William Blanchard 下令發表「UFO 被俘」的假聲明，再迅速改口稱為「天氣氣球」。當時基地情報官、少校 Jesse Marcel 曾被拍到手持鋁箔狀碎片，佢其後聲稱碎片喺佢離開期間被人調包。
同一批文件中，五角大樓亦提及一間由富豪 Robert Bigelow 出資、研究「科幻軍事技術」（由曲速引擎到隱形護盾）嘅私人研究公司；文件本身聲明：「有證詞證實，美國境外亦發生過多起『新型載具』墜落，我哋關注嘅係其他國家喺理解呢類載具技術層面上嘅進度。」此外，文件仲提及 FBI 特工用熱感測儀器喺美國西部山間拍到嘅一個「詭異黑色三角形」，以及可追溯至 1950 年代嘅經典飛碟目擊事件。
硬蕉抽兩句
美國政府對 UFO 議題嘅態度，由 1947 年「呢係天氣氣球」，到今日成箱成箱解密檔案，跨度快八十年。呢度嘅反差唔止係「蛋形飛碟」本身嘅荒誕，而係一個國家用幾十年，先肯將自己嘅秘密公諸於世。資訊透明度從來唔係白送嘅嘢，佢係鬥爭嚟、施壓嚟、等嚟。今日你哋睇到嘅「奇聞」，可能正正係五十年前有人用自由鬥爭換返嚟嘅知情權。硬蕉哥唔笑，硬蕉哥只係問：下一個被解密的，會唔會係你自己嗰個「天氣氣球」？
硬蕉哥整合｜頂硬上
