9月30日（週三）下午約3時半，一啲晾喺村屋門前晾衫架上嘅內褲，經歷咗一場「親密接觸」。一名戴帽阿伯途經，見四周無人，上前揉捏條白色內褲，再將頭湊近，被質疑似「聞底褲」，全程被屋主安裝喺上方嘅閉路電視拍下，事完即走，速度極快。
呢段長約10秒嘅影片近日喺一個 facebook 群組流出，發文者配字「揾家人認領返佢」。影片公開後，網民大感嘔心，斥責阿伯變態：「真係羞家」、「世界咁大，真係咩人都有㗎」。有人揶揄「阿叔話聞一聞心情開朗」，又話如果同佢住同一條村，「阿叔真係揾窿捐」。
不過並非所有人將老伯視為變態。有網民估計佢只係拿條內褲當紙巾，「擤鼻涕啫」。但更多網民認為，無論老伯做咩，屋主將底褲晾喺門口都有部分責任：「你放嚿肉喺地下都會有狗嚟食」、「咁大條底褲晾到咁揚眼」。有人更話，衣物喺門口晾放本身就係有風險，「一日之內都不知道有幾多人行過」，除非有人長時間睇住。
姣姐講多句：影片入面嘅行為確實不妥，網民嘅斥責無可厚非，但背後嘅問題值得諗 — 貼身衣物晾喺街邊門口，本身就係畀人「發揮」嘅空間。CCTV 可以係見證，但真正保護自己嘅，係唔好將啲嘢喺街邊畀人觸碰 — 始終，你唔知會伸嚟嘅係邊隻手。
黃姣姐整合｜頂硬上
