近日，有網民喺小紅書貼出港鐵站單邊排長龍嘅畫面，話港人「左行右企」嘅做法太「守舊」。帖文話排隊排好遠，但左邊冇人站，明明站內廣播叫「左右兩邊企定定」，乘客就唔站左邊，話咁樣不但令通行效率減半，扶手梯又容易壞。帖文聲稱自己「尊重規則且入鄉隨俗，但合理發出疑問」，旋即引爆兩派激辯。
支持「左行右企」嘅網民話，留左邊係為趕時間嘅人。有人話總有人趕時間，例如起夜嘅上班族遲咗一分鐘就俍上司罵，所以左邊留空好重要。有人更話喺梯上行幾步好似裝咗加速器。另有人話曾試過人流卡死，幸好左邊有人行先疏散到。
反對方則堅持跟官方指引，話機電署同港鐵嘅規定係「緊握扶手，兩邊企定定」。有人反駁「走左邊先係真正反社會」。有網民話自己只企左邊冇人理，即被另一網民頂，話其實後麪人早已喺心入面話過佢，只係冇出聲。對單邊站立搞壞梯，有網民豪放話「壞咗關我咩事」。
不過亦有喺兩地生活過嘅網民為港鐵説公道話，話香港早晚高峰人流密度其實更高，但因為乘客自覺先下後上，加上梯速快，運作依然流暢。亦有港人補充，喺繁忙轉車站高峰期，乘客會自發站滿兩邊。
港鐵於2026年度扶手電梯安全運動啟動禮披露，上半年錄得233宗意外。港鐵車務營運及本地鐵路副總監李婉玲指，年均約500宗，上半年約六成與乘客喺梯上行走有關，約一半因冇握實扶手，傷者半數為長者。
倫敦交通局喺霍本站（Holborn Station）實測，發現長電梯令左邊閒置，改「兩側全站立」後繁忙時段效率提升，擁堵減少約三成。日本埼玉縣2021年10月推行全日本首個《扶手電梯安全利用條例》，明確「禁止走動」，屬宣導性質冇罰款。
姣姐講多句：「左行右企」係港人幾十年養出嚟嘅集體習慣，唔係「守舊」，係種效率哲學。有人嫌我哋排隊排得「低效」，但「先下後上」、自覺留路嘅習慣，配合快梯，一樣行得通。文化習慣冇高低之分，但效率同禮儀，永遠可以坐喺一齊傾嚇。
黃姣姐整合｜頂硬上
