成人題材｜18+
日本女星三吉彩花憑 Netflix 劇集《今際之國的有栖》打開海外市場，近年成功殺入韓國，現正為有份參演嘅韓片《老千4：惡魔之歌》宣傳。30 歲嘅佢上月突然宣佈停工休養，自爆約一個月前被診斷出顏面神經麻痺（俗稱面癱），喺 IG 以日、韓、英三語發文：「突如其來的狀況讓我自己也感到驚訝，但目前正順利朝著康復邁進中」。近日佢已如常更新動態，分享喺韓國為新片宣傳嘅花絮，變臉後嘅容貌再惹網民熱烈討論。
喺《老千4：惡魔之歌》入面，三吉同韓國男星卞耀漢有場大尺度床戰，上半身裸露場面挑戰佢性感底線。導演崔國熙接受訪問時透露，拍攝床戲前曾同三吉討論可接受嘅裸露程度，對方當時表示「全部都可以」，令導演讚不絕口。
誰知呢場床戰一受關注，佢舊日喺綜藝節目談同爸爸密相處嘅受訪片段就被翻出。三吉曾自爆「直到20歲都還和爸爸一起洗澡」，並解釋而家已唔會再同爸爸共浴，「爸爸現在會害羞、會躲開」，不過仍會偶爾陪爸爸入浴室，甚至幫佢洗頭，父女感情相當深厚。呢段陳年消息再度成為話題，引發韓國網民熱議。
姣姐講多句：康復後即返工落力宣傳，呢份專業值得讚。最有趣係新戲一熱，竟將佢同爸爸共浴嘅舊片段再拉上版面。「爸爸現在會害羞、會躲開」呢句解釋，比乜都抵味。一面幫老豆洗頭，一面拍大尺度床戰，呢個反差真係夠大——舊料重炒係網絡常態，但睇完真係要講：康復順利，三吉彩花，頂硬上。
黃姣姐整合｜頂硬上
