美國明尼蘇達州鄉郊，本月早前喺一塊玉米田入面發現咗一個可疑物件，被描述為「太空物體」。太空專家隨之介入，初步講到呢件嘢可能係九月某次中國火箭發射後嘅碎片。

一枚火箭九月份昇天，有啲嘢落咗返嚟，剛好落喺明尼蘇達嘅玉米田。科技嘅「落地」邏輯，同送外賣差唔多：發射咗就總有嘢要返嚟，返嚟就唔知會落喺邊塊田。

硬蕉抽兩句：一枚火箭昇天，碎片散彈落返地球，落喺邊都係命。但落喺玉米田就特別有畫面感——太空同農業，兩個嘢撞埋一齊，咁就係今日嘅癲事。

硬蕉哥整合｜頂硬上