日前有網民喺 Facebook 群組「麥當勞關注組（香港）」發帖，公審一個男子喺麥當勞自攜外來食品，無視店舖經理兩度勸阻，仲「一路食一路䟴腳」，引來一片圍剿。
片段顯示，涉事戴眼鏡男子坐喺二人座位，背囊放對面椅，桌面擺咗一個白色膠袋同兩個裝住食物嘅透明膠盒，明顯唔係麥當勞出品。管理員上前勸「唔好食外帶食物」，佢只答「叫咗嘢飲」；經理再次解釋就算有消費都唔可以食外攜食物，佢甩句「外面無寫」就繼續食，仲抖腳。最搞笑係佢話「叫咗嘢飲」，但成張桌面都揾唔到半個麥記飲品。
網民圍攻佢「人無恥便無敵」，笑佢「門口夠無叫你着衫，你又着？」。
有人話「就係呢啲 X 樣搞到大家冇位堂食」，有人講「咁搞法，麥記轉晒企枱就仆 X 了」。
亦有網民認為經理應該再強硬啲，「麥當勞屬於私人營運餐廳，店方有權管理內部的座位與營運秩序」。
姣姐講多句：麥當勞係有規定禁止外攜食物，「外面無寫」呢個藉口真係夠無厘頭。喺食街食飯唔買嘢仲坐住，跟住就話「呢度冇寫唔可以坐」。呢類人平時返工都係坐喺企位吹水嗰啲。
黃姣姐整合｜頂硬上
