麥當勞39年變化：遊樂區去晒，自助機入位
近日，一名網友喺台灣 Dcard「心情版」發文，貼出 1987年、1997年、2007年及2026年四個時期嘅麥當勞店內設施照片，逐一對比。照片清楚顯示，早期部分門市設有大型户外遊樂設施同用餐區，後來逐漸收縮為室內遊樂區，甚至將兒童遊戲空間同一般用餐區分開；而到咗2026年，門市多咗自助點餐機，昔日常見的溜滑梯同球池已幾乎難尋蹤跡。
原PO睇完今昔對比，忍不住感嘆「懷念以前放學去麥當勞玩的時光」，並直言「回不去了」。
貼文一出，勾起大批網友童年回憶。有人話以前到麥當勞，除咗食漢堡食薯條，最期待嘅就係溜滑梯同球池，仲有人話曾喺麥當勞辦過生日派對。「那邊就算是第一次見的小朋友，都可以馬上玩在一起」，有網友咁話。另一位網友更話：「以前麥當勞對我來説是期中考、月考考很好才能有的獎勵。」
笑到最盡嘅係，有網友話，現在唔止遊樂設施消失，連昔日常出現喺門市嘅麥當勞叔叔都越來越少見，「快樂兒童餐買唔到快樂」。
姣姐講多句： 話返起偈都係，以前放學去麥記玩球池，真係一代人嘅集體回憶。但遊樂區唔見咗，真係只係懷舊感懷嗎？有網友分析，遊樂區消失背後有幾個現實原因：少子化令兒童客群縮減、消費主力轉為成年人同外賣需求，遊樂區佔地又大、清潔管理成本又高，改放座位對門店主理人嚟講係更實際嘅選擇。亦有聲音提到，台灣過去曾發生兒童喺麥當勞遊戲區受傷後衍生高額求償嘅事件，可能令業者在安全同管理成本方面更加保守；加上疫情期間公共遊戲空間一度受限制，遊樂區自然進一步減少。
遊樂區消失，表面係門市空間調整，背後來講係一整個消費模式同社會結構嘅變化。下次行去麥記，不妨抬頭望一望：呢度以前有冇球池？
黃姣姐整合｜頂硬上
