成人題材｜18+

日本前AV女優濱崎真緒（Mao），引退後以「DJ Mao」身份喺亞洲各地打碟，亦有參與HOY劇集《你的保安 李寶安》拍攝。萬聖節（10月31日）晚，她喺尖沙嘴做show期間疑被人落藥，目前送院處理。

根據她於11月1日凌晨5點多喺社交媒體發布嘅帖文，她寫道：「工作中給人下藥了」，並附兩張照片，一張係她坐喺輪椅上、身旁有三位警員，另一張係她躺喺救護車擔架上送院。帖文一出，立即引起不少網民關心，她嘅經理人回覆：「我是經紀人。現在在醫院。還沒知道情況🙏🏻」。

曾兩度拒絕，最終仍被請到場

經理人透露，事發前濱崎喺灣仔餐廳完成DJ工作後，有人稱現場有位大客想請「DJ Mao」到尖沙嘴「私竇」繼續打碟。經理人首先以「不嬲唔做私竇」為由拒絕，但對方以「唔畀面」施壓，又表示「大家都睇住佢，唔會有問題」，最終兩人同意到場。

到場後，場內玩遊戲，濱崎輸咗一杯飲品，她以為係威士忌，便叫經理人試飲。經理人試後覺得味道偏甜，以為係cocktail，沒有起疑。他事後表示懷疑係「HAPPY水」之類藥物，對當時未能即時識別及代飲感到十分自責。

打完碟即抽搐，警方到場後送院

經理人稱，濱崎打完碟後立即攤倒，因連日演出他起初以為係太疲倦，但場內工作人員告知她出現抽筋，且她本人表示身體一直無法活動。經理人當時要求見場內負責人，但對方避而不見，最終在爭執下，經理人擔心她失去知覺，要求報警。

報警後，警方指當時較忙，建議可自行處理，等待一段時間後警察終到場。經理人特別強調：「Mao成日要返日本，日本會成日無啦啦驗頭髮，如果有咩事驗到唔知咩藥物，Mao無啦啦要坐幾個月，我哋一定要驗，我哋冇take嘢。」

四種藥物陽性，出現幻覺，重案組已落簿

截至11月1日早上8時許，經理人透露醫院驗出濱崎體內對四種藥物呈陽性反應，她亦出現幻覺，現被安排入ICU留院治療。重案組已落簿立案調查。經理人最後對傳媒表示：「正正常常做嘢，我哋好歡迎，但你要玩嘢，我哋都唔係好恰囉。」

姣姐講多句

呢單唔好笑，亦唔應該被當作八卦。一名女性喺工作場合被下藥，涉及人身安全，任何將呢件事輕描淡寫或獵奇化嘅做法都唔應該。呢件事亦再次凸顯成人產業從業者喺工作場所面臨嘅實際風險。希望警方盡早查明事件，亦希望濱崎身體早日康復。

黃姣姐整合｜頂硬上