無綫處境劇《愛‧回家之三代同糖》今晚（29日）播出一集，嘉冰（車婉婉飾）同龔喜（樊亦敏飾）以為獲得賞識，被邀做直播主，未料到誤墮騙局，遭幕後老闆Brain（唐嘉麟飾）強迫賣假貨。
唐芯（李茵彤飾）、嘉聰（李偉健飾）同朱基（歐瑞偉飾）睇住直播察覺有鬼，即刻趕去現場救人。而本集最惹眼，要算歐瑞偉同李偉健呢對CP重聚——「再續CP緣」、曖昧眼神交流，睇到網友起雞皮，成為全網熱議。
姣姐講多句：講劇本，兩男仔一齊救女仔，係最正當不過嘅情節；但「再續CP緣」「曖昧眼神」呢啲詞一拋出，大家腦波即刻自動切換。港劇CP文化就係咁，一雙眼神已經夠起風波，唔使一句台詞。
劇集29日播出，有冇睇到呢對CP重聚，留言講嚇。
黃姣姐整合｜頂硬上
