10月2日夜晚，資深演員劉錫明帶同囡囡劉安晴、姪女劉森頤出席「香港同胞慶祝中華人民共和國成立七十七週年文藝晚會」。兩位女仔都長得非常標緻，劉錫明話佢哋年紀相若，一齊長大。
更「有嘢」嘅係佢喺場上透露：月底會同囡囡一齊拍一部講客家情懷嘅新劇，佢要由40歲演到80歲，喺劇入面同囡囡「爺孫」上陣。即係話，佢由「阿爸」要變做「阿爺」，仲要一變到80歲。佢本身係潮汕人，今次仲要由零開始學講客家話。
被問到阿女喺戲入面喊佢「阿爺」好唔慣，劉錫明答：「唔緊要，咁樣先至入到戲嘛！喺戲入邊係完全唔同！」佢仲話「作為一個演員應該咩角色都要嘗試，要多方面嘗試」，並話囡囡自己都拍緊戲。
佢仲順帶提及騷情：劉錫明坦言上次喺紅館唱歌係廿年前嘅事，透露月底會同温兆倫、許秋怡、陶大宇喺佛山開騷，間中佛山開騷，間中喺內地都有同三人見面。佢坦言好想返港開騷、工作，「但一直未有人跟我接觸」，話「事實係好多人都冇咗聯絡，太耐啦！」
姣姐講多句：拍仔反串、扮老扮嫩都係演員常規，但同自己囡囡喺戲入面演「爺孫」，就真係罕見。佢話「喺戲入邊係完全唔同」，戲假情真、收工收工，呢個先係專業態度。不過觀眾最想知道嘅問題係：拍完戲之後，阿女喺現實仲會唔會喊佢「阿爺」？呢個就真係等睇先。
黃姣姐整合｜頂硬上
