曾主演《去有風的地方》嘅演員李現，近日驚喜現身「F✦FOREVER 恆星之城 光年赴約台北限定場演唱會」，喺台上同自己偶像、五月天主唱阿信合唱，追星仔仔嘅願望真係實現咗。
呢場演唱會由言承旭、吳建豪、周渝民同阿信共同參與，11月28、29日喺大巨蛋連唱兩場，首場已完售。
最搞笑係李現自爆，為咗追星同登上呢個舞台，佢「花了5個月」準備，追星追到追成嘉賓。
姣姐講多句：追星追到同偶像企喺同一個台上合唱，呢個才叫做「英雄所願」；普通人追星最多買張飛去睇個全場大合唱，李現呢個直接 upgrade 做嘉賓，嗰5個月真係冇白花。
黃姣姐整合｜頂硬上
