61歲金像影后吳君如隨內地旅行真人秀《花兒與少年2026》遠赴墨西哥取景，挑戰攀登當地金字塔。豈料喺高海拔、烈日暴曬同趕急行程夾擊下，佢當日突感劇烈頭痛，為免掃興提早脱隊回旅遊巴，脱去厚外套、敷冰同補充水分，症狀仍未見消退。

當地醫護人員上車量度，上壓一度飆至159mmHg、下壓102mmHg，高低壓皆嚴重超標。一向每日自行量血壓嘅吳君如坦言難以置信，對自己血壓突然飆高感到害怕。隨後在殷桃細心安撫下再次量度，上壓更進一步升至174mmHg（下壓93mmHg）；一行人轉抵餐廳後再測，上壓仍維持174mmHg、下壓降至67mmHg。

最精彩係後輩藝人嚇到自責，坦言因行程安排不當令大姐身體不適而內疚，更親自向她致歉。鄧為、王星越同殷桃一度懷疑係血壓計出錯，輪流上臂測試，證實儀器運作正常，吳君如嘅「高壓危局」確屬高原反應。

節目組即時安排佢提早返回酒店卧床靜養。翌日血壓終於回落至正常水平，眾人先至放下心頭大石。

姣姐講多句：61歲阿姐頂住墨西哥高原，後輩輪流自驗血壓計先至確認「咪係壞咗」，畫面感十足；呢次係公開節目畫面，唔係笑話，係提醒行程趕、高海拔地區，血壓同高原反應真係唔好大意。

黃姣姐整合｜頂硬上