剛過完61歲生日嘅天王郭富城，同太太方媛結婚9年，屋企而家得三個囡囡。佢早前提過「男女都一樣好」，仲話自己喺「女神之家」過得好得意。但近日坊間傳佢突然出手，將大坑道豪宅「嘉園」嘅天台風水陣大改，明顯係想打破坊間講嘅「四大天王外父命」，追個男丁添。
該大廈一梯三户，郭富城頂層連天台成層都係佢嘅，私隱極高。據悉天台舊設「金剛陣」擋煞，近日被撤走，換上新「三獅守護」佈局。玄學家區仲德分析，呢個「三獅會堂局」把風水由被動「擋」改成主動「鎮」，以獅吼震退煞氣兼鎮宅護幼，分明係為家中再添男丁鋪路。
佢大宅一直坐鎮嘅「九條金龍陣」亦未退役，兩大陣法雙管齊下。區師傅推估，喺呢股風水助力加持下，郭富城未來三年內有望成功圓夢。
其實天王做「女兒奴」做足，早前佢帶一家五口連外父外母三代同堂出新加坡，主題樂園、海洋館、野生動物園樣樣玩，仲主動抱實細女悉心呵護。返港喺機場等行李，大女幫手推行李車，車神隨即上身，認真喺旁傳授操控技巧，有種「賽車神傳心法」嘅既視感。
姣姐講多句： 61歲先大改風水求仔，呢個反擊真係遲咗。9個年頭先後知，之前嗰「男女都一樣好」仲講得好威，好可惜。
黃姣姐整合｜頂硬上
