嶺南大學於10月8日舉辦榮譽院士頒授典禮，「跳水皇后」郭晶晶其間獲授榮譽院士銜。最吸引眼球嘅係佢老公霍啟剛全程陪伴在側，喺台下親眼見證愛妻接過證書。事後霍啟剛於社交平台發文分享喜悦，大讚太太「實至名歸」，字裏行間充滿驕傲與愛意。
霍啟剛於社交平台傳出現場照片，並在貼文中深情表示，能夠親身見證晶晶獲嶺南大學頒授榮譽院士銜，令他深感驕傲。他在文內引述：「晶晶多年嚟一直默默耕耘，退役後心繫體育事業發展，不斷用自己嘅影響力回饋體育界、回饋社會。」「佢用數十年如一日嘅自律、堅毅同付出，贏得今日呢份實至名歸嘅榮譽同肯定。」霍啟剛續指。
霍啟剛除向愛妻道喜外，亦向同場獲授銜的另外四位榮譽院士（章曼琪、馬逢國、施榮懷及楊勳）表示祝賀，並對嶺大校董會主席姚祖輝議員（Andrew）及一眾G19議員專程蒞席致賀，表達謝意。帖文結尾他特別強調：「未來我哋會繼續攜手，為國家同香港貢獻更多力量！」
身為奧運金牌得主，郭晶晶素來行事低調，同時積極投入體育推廣及慈善公益事務。此次獲嶺大頒授榮譽院士，再一次印證其對社會及體育界所作貢獻獲廣泛認可。
姣姐講多句：霍啟剛呢種公開場合大讚老婆自律堅毅嘅表態，同佢平時喺政治場合嘅官方立場形成有趣對比。兩夫妻結婚多年一直被稱為「模範夫妻」，作風親民貼地，甜蜜又勵志。
