金智媛繼《淚之女王》後，相隔兩年推出新作《Doctor X：白色黑手黨時代》，於SBS頻道首播並同步上Netflix，首集錄得11.4%全國收視率，創下今年韓國迷你劇首播最高紀錄，第二集更衝上17.4%。
不過劇集開播同時就鬧翻韓國醫界。金智媛飾演的天才外科醫生「桂水晶」（又譯桂秀晶）係經人力資源公司派往大學醫院，獲暱稱「手術室瘋狗」。首集佢當面狠斥教授級醫師：「我最討厭你們這種人。為了賺大錢、往上爬只會埋頭讀書，卻沒有倫理、沒有信念……自己的問題卻怪罪制度。」隨手更劃線「下午六點準時下班，合約外雜務一律不做」。呢段對白喺韓國網絡爆紅，成為年度金句，亦埋低醫界風嘍引信。
醫界指「白色黑手黨」標籤加上對醫療體系的負面描寫，令他們強烈反對，多名醫療人員已向SBS提交意見，批評情節超出「合理戲劇誇張」，並質疑劇集刻意「妖魔化」醫師。
除形象之外，劇中多項醫學細節亦遭專業人員逐項揪錯：
- 疝氣已復位仍緊急開刀：腹股溝疝氣（港人俗稱「小腸氣」）成功復位後，患者仍被緊急送院開刀；
- 量唔到血壓、麻醉團隊無施升壓藥：患者處危急狀態，麻醉科完全無處置；
- 對心跳驟停患者盲打300焦耳：據韓國醫療界引AHA ACLS及NCBI StatPearls除顫專刊，除顫只適用於心室顫動（VF）或無脈搏心室頻脈（pVT）等「可電擊心律」；現代雙相波除顫器首擊建議120–200焦耳，300–360焦耳屬已淘汰嘅舊式單相波能量。
韓國觀眾喺SBS討論區更投訴劇集將「一型糖尿病」誤寫為「小兒糖尿病」。
面對連環炮，現場醫學顧問、梨花女子大學木洞醫院急診醫學科醫師兼作家南宮仁喺社交平台自嘲：「如果出現醫學上錯誤嘅部分，就請想成係顧問同製作團隊嘈完，顧問輸咗。」製作團隊則回應指劇集本為虛構故事，部分場面為追求戲劇張力而改編。
韓國網絡反應兩極：有網民反諷「之前看《機智醫生生活》唔係有人話就係自己嘅故事嗎？」，有人直言「醫生喺度鬧，就代表呢部劇講啱咗」，亦有曾住院嘅網民稱現實中真正感受到關心嘅往往係護士。
姣姐講多句：收視破紀錄、金句爆紅、醫界集體發聲，一部韓劇同時搞掂三樣嘢。角色愈「狠」愈收視，專業界愈「痛」愈發聲，韓劇同醫界之間呢條敏感線，今次終於畀金智媛踩爆，諗唔到韓國醫護嗰種「你係醫生我睇醫生」嘅錯覺，原來可以靠300焦耳電擊一秒引爆。
黃姣姐整合｜頂硬上
