演員湯怡（Kathy）早前被外界誤會轉行入美容業，佢冇多理會，近日直接喺社交平台大曬全新大餅房加自家多層獨立屋豪宅，用行動默默反擊。
湯怡近期喺社交平台晒出搬入全新大餅房嘅相片，同時順手曝光家庭生活，用「實物」回應早前「轉行美容」嘅誤會。
原來佢早前貼出相片，被網民睇亂以為轉行做美容。佢本人冇解釋，繼續做戲、繼續開餅店，近年仲積極拓展烘焙事業，生意越做越大。
資料圖片：Pixabay
呢間新餅房空間極度寬敞，配備專業大型廚房設備同不銹鋼工作枱，規模比以往大增，看得出佢對烘焙真係情有獨鍾，唔係鬧著玩。
再講屋企呢邊，湯怡同知名舞蹈員麥秋成於2021年結婚，婚後育有一女「麥QQ」，一家三口住喺多層獨立屋。相中可見客廳同開放式廚房相連，採光極佳，設有大飯枱同中島，仲有獨立樓梯，空間感十足。佢亦不時喺寬敞客廳大秀修長身材同健身成果，生活相當優閒。
姣姐講多句：好多人以為女星嫁人之後就「隱退」，結果湯怡唔單止開餅房仲住獨立屋，被傳轉行美容，佢啲動作就係最有力嘅反駁——生意開到獨立屋，仲有邊個好意思再傳佢去學按摩？身份錯亂歸錯亂，生活過到咁富貴，就冇人好意思再講兩句。
黃姣姐整合｜頂硬上
