《新城勁爆頒獎禮2026》將於12月27日舉行，10月29日先行舉行記者會，李幸倪（Gin Lee）、泳兒、MYNT魔音女團、鍾柔美、潘靜文、黃淑蔓（Feanna）、P1X3L成員葉振弘、許廷鏗、周吉佩等85位歌手出席。
最引人注目的是，剛推出新歌、又發帖「派餅」認愛王至尊嘅王灝兒（JW），竟然因病缺席呢場記者會。
另一邊，過去兩年連攬多個頒獎禮女歌手大獎、囊括「金獎」被封「阿金」嘅李幸倪，今年反而刻意放慢腳步，話想做好一張概念專輯，推出歌曲數量唔多，對獎項「隨緣」，「主要重質不重量，花了很多時間投入幕後工作，對獎項沒有抱太大期望，有就開心。」佢更話今年看好同公司嘅泳兒可以奪「女金」，好想要對方得到好成績。
姣姐講多句：同一天，一個新近公開認愛就「病咗」缺席，一個攬獎攬到成「阿金」而甘願收聲做專輯仲為後輩讓獎，呢個反差先至係真正嘅「勁爆」。👀
黃姣姐整合｜頂硬上
