成人題材｜18+

日本75歲現役女優瀨藤美代子10月4日接受訪問，自爆佢70歲先踏進AV界，而家喺熟女專門風俗店工作。五年前佢仲係一個對性產業毫無興趣嘅家庭主婦，點知「完全係一場同女囡嘅隨意對話」，就「跳入新世界」。

翻嚇佢嘅半生：24歲結婚生咗兩個女，34歲離婚，做單親媽媽撫養孩子，45歲再婚，仲負責照顧丈夫嘅繼子同婆婆。佢話第一個丈夫係佢「第一次允許身體嘅對象」，再婚對象「好平淡」，20多年冇性生活。大約10年前再離婚，其後疫情令佢無法工作，一直由女囡撫養。

轉機出現喺佢70歲嗰陣。佢話想揾份工，但電話一講年齡就俾拒。某日喺居酒屋同女囡傾呢檔，忽然想起之前有人問過佢「對AV有興趣嗎」，當時佢覺得「太離譜」，拒咗。女囡聽完即刻話：「看起來很有趣，試試怎麼樣？」

佢話同再婚丈夫20多年冇性生活，離婚後算落嚟接近30年冇床事，「就這樣直到死都沒有經歷，可能有點寂寞」，於是報名試鏡。試鏡當日女囡陪佢去製作公司大樓，當日就簽咗合約、攝咗宣傳照，佢自話係「第一次在人前赤身裸體」，尷尬唔少。

拍攝初期，導演同工作人員為幫佢放鬆，喺片場放咗LUNA SEA嘅歌。佢話對方嘅年輕男演員「細心地引導我，原來心情這麼好」，4年嚟佢拍咗17部作品，包括母親、岳母、奶奶同高中教師等角色。

最奇嘅係，佢話自己一部作品都未睇過。佢話呢份工作令佢知道「做愛是令人心情愉悦和快樂的事情」，薪水仲可分擔房租、儲錢出遊。佢話有粉絲由日本全國各地前嚟揾佢，客人年齡由剛成年嘅青年到85歲都有。

佢希望大家唔好因為覺得「已經老了」，就放棄性生活同時尚。至於幾時退休？佢希望自己可以做到80歲——「做自己喜歡的事就行了」，而家佢嘅心態係「現在最幸福」。

阿頂有嘢講：呢單事最應該敬嘅，係「選擇」兩個字。社會好習慣同老嘢講「安份點、餘生就咁過啦」，但70歲嘅佢自己決定再入行，自己揀工做、自己賺錢付房租，仲話自己最幸福。年歲唔係任何人人生嘅天花板，亦唔應該係旁人評頭論足嘅理由。老而自立、老而快樂，呢啲嘢唔好笑，只值得起大拇哥。

阿頂整合｜頂硬上