有一種叫做紅淡比嘅植物，日文叫榊（sakaki）。喺日本，呢種樹一直被視作「神嘅樹木」，成日被供喺神龕（神棚）兩側。但好多人發現咗一件事：右邊嗰枝榊，似乎總係快過左邊枯萎。

日本作家「赤井カラス」近日喺 X 發文，講到呢種被稱為「右枯」嘅現象。依照傳統説法，右邊先枯，代表神明拿咗右邊嗰枝榊，替屋企掃污穢、除災厄。

呢個帖一出，即刻喺日本 X 上引起熱議。多名網友指，自己屋企或公司嘅神龕都見到同一現象，但未必聽過「右枯」這個專有名詞。

有公司員工話，自家神龕放在窗框上方，北面無日照，每日換水時左右都會調換，但右邊嗰枝仲係最耐先枯。另有人話上司都懷疑過係冷氣影響。

不過最熱鬧嘅係，一輪「科學解析」開始出現。有網友認為神龕通常面向南方，受下午日照影響較大，右邊自然先衰。亦有人提出「鹽害」理論：每日擺供品，鹽總係放喺右邊，風一吹，微量鹽粒飄到右邊榊上，長期下來造成影響。

呢個理論一出，馬上有人接龍：「鹽害理論感覺比較有趣呢。」

從靈性角度，右側先枯萎被視為氏神驅除邪氣嘅徵兆；反過來，左側先枯萎則被認為係同祖先或神社嘅連結變弱。

姣姐講多句：呢類現象最有趣就係，同一件事，有人睇到神明，有人睇到光線、鹽粒、方位。信仰同物理學喺同一個神龕前對住，竟然冇人覺得冇問題，呢先係真正嘅和諧。

黃姣姐整合｜頂硬上