「少林寺挑戰」呢個潮語，聽落好似少林寺開放日，實際上係日本最近興起嘅網路挑戰。自9月起，不少青少年模仿 X 同 YouTube 嘅影片，喺無人值勤的派出所撥打110，或者當面喊「少林寺」挑釁警察，故意惹警追，再拍片上載。
大阪府警方透露，本府已錄得約250宗相關案，兵庫縣神户亦有類似情況。
截至報道日，已有43名介乎7至16歲嘅青少年被捕或受警誡：小學生18、初中生20、高中生5。其中一名初中生因涉嫌踢碎派出所玻璃門、損毀建築物被拘捕；佢自己講，喺網睇到「少林寺挑戰」影片，覺得戲弄警察很有趣。另一名13歲男學生深夜闖警署、踢碎大門，同樣被拘捕。
流傳片段可見，有少年仔喺電話亭前打滋擾電話、爬上車站櫃台大喊「少林寺」，故意引誘警察追捕並拍攝逃跑過程，再喺社交媒體及 TikTok 上載。
大阪府警方已公開警告，呼籲停止惡作劇電話，騷擾警方及破壞公共設施屬犯罪，並要求區內各校提醒學生，稱將依法嚴辦。佢哋亦表示，對「少林寺」呢個口號嘅由來，目前並不清楚。
硬蕉抽兩句：有乜口號比「少林寺」更搞笑？日本學仔認真學武術，練到最後真係用嚟鬧警察。佢哋以為係玩電影情節，點知警察真係追，仲有片留底。
硬蕉哥整合｜頂硬上
