近日一位喺X平台以「mayo」做網名嘅日本網友發文求助。佢話自己嘅叔叔最近過世，佢上門探視時發現嬸嬸相當苦惱。原來叔叔自幼就鍾意玩模型，屋企嘅收藏多到超乎想像，成屋都係戰鬥機、戰車呢啲軍武模型。佢哋原本想捐去博物館，但博物館都唔收，一家人真係唔知點算，於是出嚟問網民點睇。
呢篇求助文一出就引起熱烈反應，但網民意見好兩極。一派認為呢啲模型畢竟係叔叔生前嘅重要收藏品，應該好好善待，何況有些可能價值不菲，呼籲「mayo」可以捐去專做軍武主題嘅博物館，或者賣俾識模型、會善待模型嘅人。有人更開出捐獻清單：可以聯絡附近自衞隊嘅宣傳單位，好多大營地都有資料館可以放；青森縣嘅三澤航空科學館展示住來自各國嘅各式飛機模型，不妨試下聯絡；福岡大刀洗展示震電嘅博物館、栃木嘅戰爭博物館，以至東京都立產業技術高等專門學校嘅航空宇宙工程學系，都可以考慮。
但另外一派就話呢啲模型一點價值冇，唔使浪費時間賣，捐去博物館都只係俾人添麻煩，直接丟掉就好。有人指出，業餘愛好者製嘅塑膠模型基本上唔具備入藏博物館嘅特殊價值，二手交易嘅需求同市場幾乎唔存在，除了丟棄之外別無他法。有人又話，就算拿去網拍，要把呢啲精密模型寄俾得標者，需要花好大功夫同心力，不太現實；只要唔違背往生者意願，果斷丟掉或許也無奈。
亦有網民指出，好多不懂模型嘅人總愛説「好好賣掉」或「捐去好地方」，但呢種尺寸嘅組裝模型，除非係知名模型家組裝，否則根本只值幾毫。有網民話，其中有些模型係過世叔叔根據自己嘅解讀來組裝或塗裝，同實機並唔完全相同，模型迷就係咁樣嘅人。有人話如果係自己死咗，都希望大家照樣做：留幾架喺屋企，其餘拍照留紀錄，然後丟掉就好。
姣姐講多句：生前一架一架咁砌，砌到成屋，至死方休。人走了，佢嘅執念都變成一家人要面對嘅遺產。賣、捐、丟，講到底都係想同呢個「至死方休」嘅人好好告別。
黃姣姐整合｜頂硬上
