成人題材｜18+
日本《日本經濟新聞》今（16日）刊出報導，指出日本印刷費用近年持續上升，令大量同人誌創作者陷入越賣越蝕嘅困局。問題唔單止係成本，而係一個延續多年、寫喺大家心入面嘅潛規則——同人誌唔好賣貴過1000日圓。成本年年爆表，價錢又漲唔到，結果就係好多人每次參展都係賠本，索性連同人誌都唔出。
呢條「1000日圓」嘅默契，源自同人誌本來就唔係做生意。同人誌多係為咗傳播創作、揾同好交流，所以價錢普遍壓喺1000日圓以下，好多本甚至只賣500日圓，甚至寧願蝕本都要售賣。正正就係呢種「大家都買得起」嘅集體默契，令價格長年冇反映過現實成本。
疫情之後印刷成本急升，創作者被壓到喘唔過氣。偏偏大家都心唔安：一俈為咗補成本令定價突破1000日圓，萬一沒人買、失去交流意義，又點算？思前想後，好多人索性就唔出本。
日本創作者同動漫迷亦針對呢個現象各抒己見。有人認為係同人誌越做越精緻嘅問題，不如回歸早期「打印機加釘書機」嘅做法；也有人主張乾脆漲價，覺得值得嘅本，讀者自然會買。
日本網民嘅反應就千奇百怪。「我哋社成個都認為1000日圓根本唔可行……」；「我係會賣2500日圓，對唔住。」；「我今年Comic Market首次印新本，就算賣出100多本都冇賺錢。」；「都20年前一本500到600，而家越做越豪華。」有人就喊話：「我準備撐到撐唔郁為止。」
姣姐講多句，1000日圓潛規則嘅問題，就同「唔好喊貴」嘅文化一樣——潛規則本身冇壞，但當成本已經唔再理佢，潛規則就變成壓壓死創作者嘅石。有人喊「想漲就漲」，有人喊「我準備撐到撐唔郁」，呢場關於成人創作可持續性嘅討論，恐怕係時候要認真傾多兩句。
黃姣姐整合｜頂硬上
