近幾日喺Ｘ上有一個討論爆煙：點解動漫入面嘅機甲，駕駛艙幾乎清一色設計喺頭部或者胸部，就冇人肯將佢放喺屁股或者尾巴呢？
開波嘅係日本漫畫家兼插畫家「アラキレイヤー」。佢喺Ｘ發帖寫道：「雖然我對機甲嘅機械設計一竅不通，但如果將駕駛艙設置在屁股（尾巴），是否就能像梯子一樣放下，讓駕駛員相對輕鬆地上下機呢？若將駕駛艙設置在髖關節附近，搖晃的問題似乎也會少一些吧。」
呢個提議一出，日本網友馬上爆登，各抒己見。最多人提出嘅解釋係：點解駕駛艙都喺頭部同胸部？主因仲係作品想強調機甲嘅帥氣形象，唔係為駕駛員嘅上下機方便。
隨之而嚟嘅係一連串各系列嘅「奇葩」駕駛艙設計大巡禮。有網友指，有個特定領域嘅機甲係會讓駕駛員直接肉身坐喺尾巴上，「嗰個領域叫做《ZOIDS機獸系列》」。
講《∀鋼彈》就有人跳出話：「《∀鋼彈》係喺太空使用嘅機甲，所以重心喺胯下位置啦。」跟住有其他人補刀：「雖然有人話嗰個係ㄐㄐ啦。」《超時空要塞 Frontier》嘅 VF25 喺變形過程時，戰鬥機形態嘅駕駛艙會移動到腰部位置。
更有人指出，其實《超時空世紀》喺80年代初已經採用咗胯下駕駛艙設計，只係要到《∀鋼彈》同《ZOE》問世之前，一直冇獲正面評價。
資料圖片：Pixabay
除咗屁股同胯下，「駕駛艙喺背後」都係一個選擇。有網友提《境界戰機》嘅 MAILeS，喺屁股仲有設升降臂，就問：「你講嘅係呢種嗎？」
仲有《FNS地球特捜隊ダイバスター》呢個深夜綜藝節目入面，有部機甲嘅駕駛艙竟然設計喺右膝。最抵讚嘅係，有網民直言「果然還是像《Zone》的阿努比斯一樣的ㄐㄐ駕駛艙最好了，還能保有很好的視野呢」。
最後仲有人話，喺元祖搭乘型超級機甲嘅早期設計圖，本身就設想緊從尾巴（之類嘅嘢）搭乘上機。有老鳥就話：「我記得《大空魔龍》採取渦卷防禦姿態的時候，尾巴的部分就會跑到正面來呢。」
最尾一位網友短評：「快搭上去，真嗣。」
姣姐講多句： 講到駕駛艙位置，大家心入面最諗起邊部機甲？係《∀鋼彈》嗰個「有人話係ㄐㄐ」嘅胯下，定係《ZOIDS》嗰個要自己坐喺尾巴上先得嘅設定？你覺得駕駛艙放喺邊度先係最合理？
黃姣姐整合｜頂硬上
