近日喺社交平台瘋傳成龍赤膊抱B嘅照片，引起網民熱烈討論。有人一時之間以為盛傳秘婚多時嘅房祖名做咗爸爸，令成龍榮升爺爺。不過查證之下，相片係由成龍外甥董又霖上載，嗰個BB係佢外甥女嘅仔，即係話成龍係榮升「姨公」。董又霖亦興奮宣佈自己「升呢」做「Uncle（舅父）」，抱著剛滿百日嘅BB寫道：「第一次抱小外甥。」
曝光嘅照片中，72歲嘅成龍展現極致居家鬆弛感，赤裸上身半躺喺梳化上，將肥嘟嘟嘅BB抱喺懷中，以強健有力嘅雙手平穩托住。呢副身型依然健碩，手臂、肩膀同胸肌線條緊緻分明，雙臂青筋隱現，粗壯飽滿嘅「麒麟臂」力量感十足。
圖片：U.S. Navy photo by Photographer’s Mate 3rd Class Lee M. McCaskill／Public domain／Wikimedia Commons
另一張合照中，成龍伸出寬厚大掌握成拳頭，同BB嘅小拳頭親切「碰拳」。全程低頭凝視外甥孫，眼神毫無動作巨星嘅鋒芒，滿溢慈祥，眉宇間笑意藏都藏不住。呢幕充滿反差萌嘅「大小碰拳」畫面，引來大批網民激讚：「大哥的眼神太温柔了！」、「這老少踫拳真的融化了」。
姣姐講多句：打仔王同真B嘅「碰拳」，呢個反差萌真係爆表。72歲嘅大哥，赤膊大曬麒麟臂，眼神卻温柔到融化。唔好再亂傳房祖名做爸爸，成龍係「姨公」先，呢個身分要搞清楚。
