梁洛施（Isabella）近日同男友馬浴柯以情侶檔造型亮相，為二人新戲《重生2》上落趕場做宣傳。38歲嘅她同大佢9歲嘅內地導演兼演員男友，喺台上台下對視甜笑、頻頻放閃，成為全場焦點。
《重生2》由馬浴柯自編自導，梁洛施領銜主演，文俊輝、洪金寶及白客等合演，係2024年《重生》嘅續集，近日正式上映，劇組正展開內地巡迴路演，日前主創作員現身深圳站謝票。
3.8打戲骨折，咬牙硬頂到底
梁洛施喺台上自爆，佢喺3月8日同白客拍一場打戲時意外骨折，但冇喊停，堅持拍完，唔想耽誤劇組進度，敬業態度攞到全場掌聲。呢出戲佢打破以往氣質形象，挑戰多場高難度動作場面。
老公執導、老婆領銜，「從沒吵過架」
呢對情侶檔最甜嘅位，係一個執導一個領銜，合作「非常之開心」，仲「從沒吵過架」。二人早前喺第28屆上海國際電影節紅地氌牽手亮相，正式公開戀情。由拍拖到拍戲，佢哋真係將工作與愛情一齊搞掂。
姣姐講多句
老公係導演、老婆係主演，呢種「夫唱婦隨」式嘅工作組合，仲要冇吵過架，聽落都覺奇蹟。骨折都硬頂拍完，敬業同甜蜜佔齊，呢單花生甜到齲。
