一名婦人日前喺臉書社團「毒姑九賤婆媳討論區」發文，話同老公平時生活習慣係AA制，一家四口日前去賣場買生活用品，包括米酒、醬油、沙拉油、麵條，同埋畀仔女買嘅兩雙拖鞋同埋一套睡衣，結帳總金額930台幣（約230港元）。
點知結帳嗰陣，老公完全唔肯出錢，仲話：「我又不喝醬油、不喝沙拉油、衣服鞋子也不是我的，憑啥要我付錢？」最後只畀咗麵條嗰130台幣（約32港元），其餘800蚊（約198港元）全部拒付。人妻話自己氣到深宵都瞓唔着。
呢位人妻仲話，平時喺屋企佢負責買食材同煮飯，老公覺得「煮嘅人就負責買食材」；就算一家四口出去食飯，用咗500台幣（約123港元），老公最多隻肯畀100蚊（約25港元）算自己嗰份，其餘全部唔理。
貼文一出，網民睇傻晒。有人話「直接離婚就好，唔使氣」，有人話「你仲能工作佢就對妳斤斤計較，想到就好恐怖」。仲有一派係純屬搞笑回應：「煮麵條畀佢食就得，唔使加調味料，佢付乜嘢就煮乜嘢畀佢食」、「日後煮飯，你先生嘅餐點就調味都唔使，直接畀生食啦」。
姣姐講多句： 講真，930蚊都計到成咁，呢個唔係AA，係A（算）嘅A。麵條130，醬油幾多蚊？沙拉油幾多？拖鞋幾多？睡衣幾多？每樣都要計清楚先肯出錢，呢個係結帳定係做財務審計？AA制嘅初衷係公平分擔，唔係變相將自己排除喺家庭開銷之外。
黃姣姐整合｜頂硬上
