成人題材｜18+
9月30日，一段約30秒嘅片喺 Threads 等社交平台流傳，畫面顯示港大某男廁一個上鎖嘅廁格，不斷傳出疑似女聲呻吟。拍攝者從不同角度影住個廁格，但看不到入面情況，自言「有少少擔心」，在線問網民「係咪有兇案發生，叫得咁淒慘都有，要唔要報警」。
片一出，網民笑到爆。有估計廁格入面有人「戰況激烈」，留言「大癲，仲唔報警，拍攝者不救！」「呢啲一定要敲一敲門，問下使唔使幫手」「再唔爆門救人，將有命案發生」；另一班人則猜只係有人喺入面睇鹹片而唔關聲：「肯定係睇鹹片唔記得關聲啦」。
事後有自稱目擊者喺留言區揭開後續，指「應該係播A片聲」，因為之後仲有播其他嘢嘅聲；對方估聽到佢嘅皮鞋聲，「中間就停咗無播，變咗播唔知咩嘢」。由「兇案疑雲」到「播鹹片」，全程無厘頭。
姣姐講多句：呢單事最正嘅，就係一個正常大學校園嘅男廁，可以喺幾十秒內由「懸疑片」變「無厘頭喜劇」。細思極恐嘅地方唔係廁所，而係我哋聽到奇怪聲，第一反應真係先想「有冇人出事」——呢種關心人嘅本能，其實好暖。不過講真，入到廁格放A片唔關聲嘅，無論係邊個，都係公共場所最失禮嘅「行為藝術」。
黃姣姐整合｜頂硬上
