8月22號朝早，一名內地生喺學生公寓開窗通風，想順順氣，點知整扇鋁窗竟然自己「跑」咗。佢話當時完全係下意識反應，兩手死死抓住窗框，足足撐咗30分鐘，先費勁將窗户由縫隙入面抬返去。最驚嘅係窗户正下方，竟然就係屋苑嘅兒童遊樂場，一失手就係撞小朋友嘅事。
PO主話件事之後幾晚都瞓唔着，反覆諗到嗰個畫面，「一想到萬一冇抓穩，釀成無法挽回嘅悲劇，我會一輩子活在愧疚入面」。
話未改完，10月初熱水器又完全失靈，水龍頭調唔到水温，出水忽冷忽熱。維修師傅上門一查，話「疑似煤氣洩漏」，當場收咗煤氣總閥，但跟進一拖再拖，「徹底冇煤氣，冇熱水，最基本嘅生活都無法保障」。
最離譜嘅先嚟。PO主將全部隱患反饋去客服，對方直頭答：「窗户脱落、煤氣洩漏，全部係租客嘅問題，我哋只提供住所，唔負責任何設施安全。」呢句「唔負責」三個字，直接引爆全網。
網民力撐PO主追究到底，「報消防都唔算誇張」；亦有網民提醒，好多所謂「學生公寓」其實係唐樓翻新，二房東三房東，收租先管，出事了就玩失蹤。
依《建築物條例》，業主須確保物業包括鋁窗等結構組件安全；《簡易程序治罪條例》第4B條列明，任何人令物體由建築物墜下致公眾危險，一經定罪最高罰款$10,000及監禁6個月。煤氣洩漏更受《氣體安全條例》嚴格規管，管理方拒處理嘅話，租客應即刻向屋宇署、機電工程署及消委會投訴。
姣姐講多句： 呢單嘢最離譜嘅真係客服嗰句「只提供住所」。租屋係你，窗、煤氣、門鎖都係業主要負責嘅嘢，呢個係《建築物條例》黑紙白字寫住嘅事，唔係你多心。遇到呢種管理公司，唔好諗住「忍一忍就過」，攞住書法證據直接揾屋宇署，唔要使身試險。
黃姣姐整合｜頂硬上
